WAZIRI NYANSAHO APONGEZA JKT NA JWTZ KWA KUIMARISHA ULINZI, ASEMA VINACHANGIA AJIRA NA MAENDELEO


‎


‎Na Madina Mohamed 

‎

‎Dar es Salaam – Waziri wa Ulinzi na Jeshi la Kujenga Taifa, Dkt. Rhimo Nyansaho, amevipongeza viongozi na askari wa Jeshi la Kujenga Taifa (JKT) pamoja na Jeshi la Ulinzi la Wananchi wa Tanzania (JWTZ) kwa juhudi wanazozifanya katika kuimarisha ulinzi na usalama wa nchi.

‎

‎Dkt. Nyansaho ametoa pongezi hizo Julai 6, 2026, alipokuwa akizungumza na waandishi wa habari katika Maonesho ya 50 ya Biashara ya Kimataifa ya Dar es Salaam (Sabasaba), akisema utendaji wa vyombo hivyo umeendelea kuwa msingi wa kudumisha amani na utulivu unaowapa wananchi fursa ya kushiriki kikamilifu katika shughuli za maendeleo.

‎

‎Amesema mazingira ya amani na usalama yanayolindwa na JKT na JWTZ yana mchango mkubwa katika kufanikisha utekelezaji wa Dira ya Taifa ya Maendeleo 2050, kwani wananchi wanaendelea kufanya shughuli za kiuchumi bila hofu.

‎

‎Waziri huyo alieleza kuwa mbali na jukumu la ulinzi, JKT imeendelea kutekeleza shughuli za uzalishaji mali pamoja na kutoa mafunzo kwa vijana, hatua inayowajengea uwezo wa kujitegemea na kujiajiri baada ya kuhitimu mafunzo yao.

‎

‎Aidha, amesema ushiriki wa JKT na JWTZ katika Maonesho ya Sabasaba umeziwezesha taasisi hizo kuonesha kwa wananchi shughuli mbalimbali wanazozitekeleza, ikiwemo utoaji wa huduma, uzalishaji mali, mafunzo kwa vijana na matumizi ya teknolojia katika utekelezaji wa majukumu yao.

‎

‎Akizungumzia mchango wa JKT katika ajira, Dkt. Nyansaho amesema kampuni ya usafi na unyunyuzi dawa ya SUMAJKT imefanikiwa kuajiri vijana 4,800, jambo linaloonesha namna taasisi hiyo inavyochangia kupunguza tatizo la ukosefu wa ajira nchini.

‎

‎Amesisitiza kuwa Serikali itaendelea kuziimarisha taasisi za ulinzi na usalama ili ziweze kutekeleza majukumu yake kwa ufanisi, sambamba na kuendelea kutoa fursa kwa vijana kupitia mafunzo na shughuli za uzalishaji zinazochochea maendeleo ya uchumi wa taifa.

Comments

Post a Comment

Popular posts from this blog

WANAOSEMEKANA KUWA WAZIRI MKUU WA JAMHURI YA MUUNGANO WA TANZANIA*

Majina ya vigogo hao watatu wa Chama Cha Mapinduzi (CCM) — *Mhe. Paul Makonda*, *Mhe. Dkt. Dorothy Gwajima*, na *Mhe. Jumaa Aweso* — yameanza kutajwa kuwa miongoni mwa wanaoweza kuteuliwa kuwa *Waziri Mkuu wa Jamhuri ya Muungano wa Tanzania*, endapo mabadiliko ya uongozi yatahitajika baada ya uchaguzi mkuu. Wananchi na wachambuzi wa siasa wanasubiri kwa hamu kuona iwapo Rais Samia Suluhu Hassan atafanya mabadiliko yoyote katika safu ya juu ya uongozi wa serikali. Majina haya yameibuliwa kutokana na rekodi zao za kiuongozi, weledi na umaarufu ndani ya chama na serikali.  *Paul Makonda*  Aliwahi kuwa *Mkuu wa Mkoa wa Dar es Salaam* na baadaye Mjumbe wa Kamati Kuu ya CCM. Anajulikana kwa kauli thabiti, utendaji wa haraka, na uwezo mkubwa wa kushawishi makundi ya vijana.  *Dkt. Dorothy Gwajima*  Ni *Waziri wa Maendeleo ya Jamii, Jinsia, Wanawake na Makundi Maalum*. Amewahi pia kushika Wizara ya Afya. Ana rekodi nzuri ya utumishi wa umma, na ni mtaalamu wa utawala wa afy...
Read more

UBORESHAJI WA HUDUMA ZA WATEJA: MBUNGE BAGAMOYO AKABIDHI MAGARI KWA TANESCO

Image
Lengo ni kupunguza muda wa kushughulikia hitilafu na kuongeza ufanisi katika kuwahudumia wateja* Asema TANESCO imeimarika, imetoka katika kutengeneza hasara* 📍Bagamoyo, Pwani Mbunge wa Jimbo la Bagamoyo, Mhe. Subira Mgalu leo Machi 03, 2026 amekabidhi magari mapya kwa Shirika la Umeme Tanzania (TANESCO) Wilaya ya Bagamoyo mkoani Pwani kwa lengo la kuimarisha huduma kwa wateja na kuongeza ufanisi wa utendaji kazi katika kuwahudumia Wateja wilayani Bagamoyo. Akizungumza katika hafla ya makabidhiano iliyofanyika Ofisi ya TANESCO Bagamoyo, Mhe. Mgalu amesema kuwa hatua hiyo ni sehemu ya jitihada za Serikali kuhakikisha wananchi wanapata huduma ya umeme kwa wakati, kwa ubora na kwa uhakika zaidi. “Magari haya yatawezesha mafundi na wahandisi wa TANESCO kuwafikia wananchi kwa haraka pale panapotokea hitilafu au changamoto za umeme. Tunataka kuona muda wa kushughulikia matatizo unapungua na huduma inaboreshwa,” amesema Mhe. Mgalu. Amesisitiza kuwa, hivi sasa TANESCO imeimarika katika utoaji ...
Read more

NAIBU WAZIRI WA NISHATI SALOME MAKAMBA AKUTANA NA MKURUGENZI WA Go PLANT EMMANUEL LIKIDA KWA LENGO LA KUJADILI NAMNA YA KUSHIRIKIANA KATIKA MAANDALIZO YA MIJADALA

Image
Naibu Waziri wa Nishati, Mhe. Salome Makamba amekutana na Mkurugenzi wa Go Plant Tanzania Bw. Emmanuel Likida kwa lengo la kujadili namna ya kushirikiana katika maandalizi ya Mjadala (Debate) wa Clean Cooking Solutions utakaowahusisha wanafunzi wa shule za Sekondari katika Halmashauri za Mkoa wa Dodoma.  Katika kikao hicho, pande zote mbili zimejadili umuhimu wa kuwajengea vijana uelewa wa mapema kuhusu matumizi ya nishati safi ya kupikia, athari za matumizi ya nishati zisizo safi kwa afya na mazingira, pamoja na fursa zilizopo katika ubunifu na ujasiriamali wa suluhisho za upishi safi. Mjadala huo unatarajiwa kuwa jukwaa la kielimu na kimkakati la kukuza uelewa, kuchochea fikra bunifu, na kuibua mabalozi vijana wa Nishati Safi katika jamii. Kikao hicho kimefanyika leo Machi 03,2026 katika Ofisi za Wizara ya Nishati zilizopo Mtumba, jijini Dodoma.
Read more