HEMED SULEIMAN ABDULLA: DK.MWINYI AMETEKELEZA MIRADI MUHIMU KWA MAENDELEO YA MKOANI PEMBA


‎


‎Mgombea nafasi ya Uwakilishi wa Jimbo la Kiwani kupitia tiketi ya Chama Cha Mapinduzi (CCM), Hemed Suleiman Abdulla, amempongeza Rais wa Zanzibar, Dk. Hussein Ali Mwinyi, kwa kazi kubwa na za kutukuka alizozifanya katika maeneo mbalimbali ya maendeleo, akisisitiza kuwa wananchi wa Zanzibar wanapaswa kumshukuru na kumpigia kura kwa kishindo ifikapo Oktoba 29.

‎

‎Akizungumza katika mkutano wa hadhara uliofanyika uwanja wa Makombeni, wilaya ya Mkoani, mkoa wa Kusini Pemba, Hemed alisema kuwa miradi mingi muhimu ya maendeleo imefanywa chini ya uongozi wa Dk. Mwinyi, hususan katika wilaya ya Mkoani, ambapo alisema anaendelea kushuhudia mafanikio makubwa yanayotokana na uongozi huo.

‎

‎"Mambo matatu ni muhimu ambayo ni lazima niyaeleze. Kila nikipita kwenye miradi hii, wananchi wananishukuru kwa kazi kubwa anayoifanya Dk. Mwinyi. Pia, wamekuwa wakimuombea dua na baadhi yao walikuwa wananiingiza salamu maalum za kumfikishia Dk. Mwinyi," alisema Hemed, akionyesha furaha na shukrani za wananchi kwa Rais Mwinyi.

‎

‎Hemed alisisitiza kwamba, kazi za Rais Dk. Mwinyi zinaonyesha ni kiongozi mwenye maono ya kweli na utekelezaji wa miradi ya maendeleo ambayo imekuwa na manufaa makubwa kwa wananchi. Alisema kuwa heshima inayotolewa kwa Dk. Mwinyi kutokana na kazi yake ni lazima iendelee kwa kumpigia kura za ndiyo kwa wingi katika uchaguzi mkuu wa Oktoba 29.

‎

‎"Kwa heshima na imani waliyo nayo wananchi, ni muhimu kumtia moyo Rais wetu kwa kumchagua tena kwa wingi ili aendelee kutekeleza miradi hii ya maendeleo kwa manufaa ya vizazi vijavyo," aliongeza Hemed.

‎

‎Kwa upande wake, wananchi waliojitokeza kwenye mkutano huo walionyesha kuridhika na miradi ya maendeleo inayoendelea chini ya uongozi wa Dk. Mwinyi na walijitolea kutoa ahadi za kumuunga mkono kwa kura katika uchaguzi ujao.

‎

Comments

Post a Comment

Popular posts from this blog

IDD AZZAN AJA KIVINGINE TENA JIMBO LA KINONDONI

Image
 Aliyekuwa Mbunge wa Jimbo la Kinondoni, Idd Azzan, akichukua fomu ya kugombea ubunge kwa mara nyingine kutoka kwa Katibu wa Umoja wa Vijana wa Chama Cha Mapinduzi (UVCCM) Wilaya ya Kinondoni, Amos Richard, katika ofisi za chama hicho zilizopo Kinondoni. Na Mwandishi Wetu JAMII HURU  MJUMBE wa Halmashauri Kuu ya Chama cha Mapinduzi (CCM) Mkoa wa Dar es Salaam Idd Azzan amechukua fomu ya kutia nia kugombea Ubunge Jimbo la Kinondoni, Dar es Salaam. Akizungumza leo Juni 29, 2025 baada ya kukabidhiwa fomu hiyo na Katibu wa Umoja wa Vijana wa Chama ch Mapinduzi (CCM) Wilaya ya Kinondoni Amos Richard katika Ofisi za CCM za Wilaya hiyo Azzan ameomba ridhaa Chama kimpitishe aweze kugombea nafasi hiyo. Azzan ambaye amewahi kuwa Mbunge wa Jimbo hilo, amesema alikuwa kimya Kwa muda Mrefu kwa sababu Jimbo lilikuwa tayari na Mbunge lakini Kwa sasa baada ya Miaka mitano sasa Jimbo liko wazi na Chama kimeweka Demokrasia ya kila mwenye nia kuchukua fomu.
Read more

WANAOSEMEKANA KUWA WAZIRI MKUU WA JAMHURI YA MUUNGANO WA TANZANIA*

Majina ya vigogo hao watatu wa Chama Cha Mapinduzi (CCM) — *Mhe. Paul Makonda*, *Mhe. Dkt. Dorothy Gwajima*, na *Mhe. Jumaa Aweso* — yameanza kutajwa kuwa miongoni mwa wanaoweza kuteuliwa kuwa *Waziri Mkuu wa Jamhuri ya Muungano wa Tanzania*, endapo mabadiliko ya uongozi yatahitajika baada ya uchaguzi mkuu. Wananchi na wachambuzi wa siasa wanasubiri kwa hamu kuona iwapo Rais Samia Suluhu Hassan atafanya mabadiliko yoyote katika safu ya juu ya uongozi wa serikali. Majina haya yameibuliwa kutokana na rekodi zao za kiuongozi, weledi na umaarufu ndani ya chama na serikali.  *Paul Makonda*  Aliwahi kuwa *Mkuu wa Mkoa wa Dar es Salaam* na baadaye Mjumbe wa Kamati Kuu ya CCM. Anajulikana kwa kauli thabiti, utendaji wa haraka, na uwezo mkubwa wa kushawishi makundi ya vijana.  *Dkt. Dorothy Gwajima*  Ni *Waziri wa Maendeleo ya Jamii, Jinsia, Wanawake na Makundi Maalum*. Amewahi pia kushika Wizara ya Afya. Ana rekodi nzuri ya utumishi wa umma, na ni mtaalamu wa utawala wa afy...
Read more

DOLA MILIONI 2 ZA KIMAREKANI Kununufaisha WAKULIMA NCHINI

Image
Wakulima wadogo zaidi ya 550,000 nchini Tanzania watanufaika na upatikanaji wa mbolea kupitia mradi mpya wa Dhamana ya Mikopo ya Biashara kwa Sehemu (Partial Trade Credit Guarantee – PCG), baada ya dola milioni 2 za Kimarekani kutengwa kwa ajili ya kuwawezesha wauzaji wa pembejeo kupata mbolea kwa mkopo. Upatikanaji wa kiasi hicho cha fedha utawawezesha wauzaji wadogo wa pembejeo za kilimo kufikisha pembejeo hizo kwa wakulima kwa wakati. Mradi huo umezinduliwa rasmi tarehe 7 Agosti, 2025 na Naibu Katibu Mkuu wa Wizara ya Kilimo anayeshughulikia Maendeleo ya Mazao, Usalama wa Chakula na Ushirika, Dkt. Stephen Nindi, katika viwanja vya Maonesho ya Nanenane Nzuguni jijini Dodoma. Akizindua mradi huo, Dkt. Nindi, amesema kuwa, serikali imejidhatiti kuhakikisha wakulima walioko pembezoni wanawezeshwa kwa kupata pembejeo bora kupitia mifumo rafiki ya kifedha inayohusisha sekta binafsi. Amesema, mradi huo utatekelezwa kwa ushirikiano baina ya Mfuko wa Ufadhili wa Mbolea Afrika (AFFM), Mamlaka...
Read more