WANUFAIKA WA BIMA WAFIKIA MILIONI 25.9 NCHINI – DKT SAQWARE ‎

 


Na Mwandishi Wetu JAMII HURU 

IMELEZWA kwamba wanufaika wa huduma za Bima nchini wamefikia milioni 25.9 kutoka mil 14 kwa mwaka 2021, huku malengo yakiwa katika miaka 10 ijayo nusu ya watanzania wawe wanatumia huduma hiyo na asilimia 95 wawe na uelewa wa kutosha kuhusu umuhimu wa bima katika maisha yao.


Kamishna wa Mamlamka ya Usimamizi wa Bima Tanzania (TIRA), Dkt Baghayo Saqware, amesema hayo jijini Dar es Salaam alipokuwa akizungumza na Wahariri na waandishi wa vyombo mbalimbali vya habari katika kikao cha mpango kazi kulichoandaliwa na Msajili wa Hazina.


Ongezeko hilo la watumiaji wa huduma za bima limetokana na utoaji wa elimu kwa wananchi hali iliyofanya kutambua umuhimu wake katika maisha yao ya kila siku na linaloidia kukabiliana na majanga na maradhi.


Aidha ameongeza kuwa licha ya kuwepo kwa mafanikio hayo ambayo wanajivunia katika kipindi cha miaka minne ya Rais Samia Suluhu Hassan, wanajipanga kuwashughulikia watoa huduma za afya wanaowapuuza wagonjwa wanaotumia bima na kutoa kipaumbele kwa wanaolipa ‘Cash’.


Amefafanua kuwa ili kukabiliana na changamoto hiyo ambayo imeendelea kujitokeza kwa baadhi ya wahudumu wa hospitali, wameanza kusajili hospitali zinazotoa huduma kwa wagonjwa wenye bima ya afya na kuingilia makubaliano nao ya kuhakikisha wanafaika wa bima wanahudumiwa vizuri na si kubaguliwa.


“Mchakato wa kuwasajili hospitali zinazopokea bima ya afya ukikamilika mhuduma yeyote wa hospitali atakayebainika amefanya kinyume na utaratibu tuliokubaliana na mgonjwa akaleta malalamiko hayo kwetu na tukathibisha, hospitali husika itaondolewa katika mpango huo na hatua nyingine kali zitachukuliwa,” amesema.


Akifafanua zaidi mafanikio ambayo yamepatika katika kipinbdi cha miaka minne ya Rais Dkt Samia, amesema kumekuwa na ongezeko la watoa huduma kutoka 993 mwaka 2021 na kufikia 2,425 wakiwermo watoa huduma mpya ikiwemo afya, kidigital na Bima Mtawanyo kutoka moja na kufikia nne.


 


Pia amesema katika kipindi hicho kampuni za bima zimeongezeka kutoka 32 mwaka 2021 na kufikia 35 na kutoa wito wito kwa wawekezaji katika sekta hiyo kujitokeza kwa wingi hasa wenye mitaji mikubwa ilki kuleta tija stahiki.


Ameongeza kuwa pia mali na mtaji katika soko la Bima imeongezeka kutoka sh. trillion 1.2 kwa mwaka 2021hadi kufikia trillion 2.3 hilo nalo ni jambo la kujivunia kama taasisi.  


“Naamini wawekezaji wengi wanavutiwa kuja kuwekeza hapa nchini hususan wenye mitazji mikubwa kutokana na kuwepo kwa mazingira mazuri na utulivu inayohamisishwa na utungwaji wa sheria rafiki ya Bima ya Afya na kanuni zake,” amesema.


 


Dkt Saqware amesema katika kipindi hicho pia wamefanikiwa kuanzisha mifumo yua Tehama baada ya maelekezo ya Rais kutolewa ya kutaka taaisi za Serikali zisomane na tayari wameunganisha mifumo kadhaa ikiwemo Benki Kuu, Mamlaka ya Mapato Tanzania (TRA), Mamlaka ya Udhibiti wa Usafiri wa Nchi Kavu na Majini (LATRA), Shirika la Uwakala wa Meli Tanzania (TASAC na Mamlaka ya Vitambulisho vya Taifa (NIDA).


Ameongeza kuwa mataraji yao ni kuhakikisha mifumo inaunganishwa na taasisi zaidi ya 30 Tanzania Bara na Tanzania Zanzibar kwa lengo la kurahisisha huduma kwa wananchi popote walipo.


Pia amesema kwa sasa wanampango wa kuanzisha consortium ya kilimo ambayo ina kampuni 15 na consortium ya mafuta na gesi ambapo kuna umoja wa kampuni 22 zitakazoshiriki katika uchumi mafuta na gesi kama sekta.

Comments

Post a Comment

Popular posts from this blog

IDD AZZAN AJA KIVINGINE TENA JIMBO LA KINONDONI

Image
 Aliyekuwa Mbunge wa Jimbo la Kinondoni, Idd Azzan, akichukua fomu ya kugombea ubunge kwa mara nyingine kutoka kwa Katibu wa Umoja wa Vijana wa Chama Cha Mapinduzi (UVCCM) Wilaya ya Kinondoni, Amos Richard, katika ofisi za chama hicho zilizopo Kinondoni. Na Mwandishi Wetu JAMII HURU  MJUMBE wa Halmashauri Kuu ya Chama cha Mapinduzi (CCM) Mkoa wa Dar es Salaam Idd Azzan amechukua fomu ya kutia nia kugombea Ubunge Jimbo la Kinondoni, Dar es Salaam. Akizungumza leo Juni 29, 2025 baada ya kukabidhiwa fomu hiyo na Katibu wa Umoja wa Vijana wa Chama ch Mapinduzi (CCM) Wilaya ya Kinondoni Amos Richard katika Ofisi za CCM za Wilaya hiyo Azzan ameomba ridhaa Chama kimpitishe aweze kugombea nafasi hiyo. Azzan ambaye amewahi kuwa Mbunge wa Jimbo hilo, amesema alikuwa kimya Kwa muda Mrefu kwa sababu Jimbo lilikuwa tayari na Mbunge lakini Kwa sasa baada ya Miaka mitano sasa Jimbo liko wazi na Chama kimeweka Demokrasia ya kila mwenye nia kuchukua fomu.
Read more

WANAOSEMEKANA KUWA WAZIRI MKUU WA JAMHURI YA MUUNGANO WA TANZANIA*

Majina ya vigogo hao watatu wa Chama Cha Mapinduzi (CCM) — *Mhe. Paul Makonda*, *Mhe. Dkt. Dorothy Gwajima*, na *Mhe. Jumaa Aweso* — yameanza kutajwa kuwa miongoni mwa wanaoweza kuteuliwa kuwa *Waziri Mkuu wa Jamhuri ya Muungano wa Tanzania*, endapo mabadiliko ya uongozi yatahitajika baada ya uchaguzi mkuu. Wananchi na wachambuzi wa siasa wanasubiri kwa hamu kuona iwapo Rais Samia Suluhu Hassan atafanya mabadiliko yoyote katika safu ya juu ya uongozi wa serikali. Majina haya yameibuliwa kutokana na rekodi zao za kiuongozi, weledi na umaarufu ndani ya chama na serikali.  *Paul Makonda*  Aliwahi kuwa *Mkuu wa Mkoa wa Dar es Salaam* na baadaye Mjumbe wa Kamati Kuu ya CCM. Anajulikana kwa kauli thabiti, utendaji wa haraka, na uwezo mkubwa wa kushawishi makundi ya vijana.  *Dkt. Dorothy Gwajima*  Ni *Waziri wa Maendeleo ya Jamii, Jinsia, Wanawake na Makundi Maalum*. Amewahi pia kushika Wizara ya Afya. Ana rekodi nzuri ya utumishi wa umma, na ni mtaalamu wa utawala wa afy...
Read more

DOLA MILIONI 2 ZA KIMAREKANI Kununufaisha WAKULIMA NCHINI

Image
Wakulima wadogo zaidi ya 550,000 nchini Tanzania watanufaika na upatikanaji wa mbolea kupitia mradi mpya wa Dhamana ya Mikopo ya Biashara kwa Sehemu (Partial Trade Credit Guarantee – PCG), baada ya dola milioni 2 za Kimarekani kutengwa kwa ajili ya kuwawezesha wauzaji wa pembejeo kupata mbolea kwa mkopo. Upatikanaji wa kiasi hicho cha fedha utawawezesha wauzaji wadogo wa pembejeo za kilimo kufikisha pembejeo hizo kwa wakulima kwa wakati. Mradi huo umezinduliwa rasmi tarehe 7 Agosti, 2025 na Naibu Katibu Mkuu wa Wizara ya Kilimo anayeshughulikia Maendeleo ya Mazao, Usalama wa Chakula na Ushirika, Dkt. Stephen Nindi, katika viwanja vya Maonesho ya Nanenane Nzuguni jijini Dodoma. Akizindua mradi huo, Dkt. Nindi, amesema kuwa, serikali imejidhatiti kuhakikisha wakulima walioko pembezoni wanawezeshwa kwa kupata pembejeo bora kupitia mifumo rafiki ya kifedha inayohusisha sekta binafsi. Amesema, mradi huo utatekelezwa kwa ushirikiano baina ya Mfuko wa Ufadhili wa Mbolea Afrika (AFFM), Mamlaka...
Read more