‎MRISHO KAMBA AAHIDI MAGEUZI MAKUBWA SANDALI, AWATAKA WANANCHI KUJITOKEZA KUANZA KAMPENI ‎



‎Na Madina Mohammed DAR ES SALAAM JAMII HURU 

‎Dar es Salaam, Agosti 27, 2025 — Mgombea Udiwani wa Kata ya Sandali kupitia Chama Cha Mapinduzi (CCM), Mrisho Kamba, amesema yupo tayari kuwatumikia wananchi wa kata hiyo na ameahidi kuleta mageuzi makubwa ya kimaendeleo iwapo atachaguliwa kuwa diwani.

‎

‎Akizungumza na waandishi wa habari mara baada ya kurudisha barua ya uteuzi kutoka ofisi za Kata ya Sandali, Kamba alisema amefarijika sana na imani ambayo chama chake kimemuonesha kwa kumpa ridhaa ya kuwania nafasi hiyo muhimu ya uongozi.

‎

‎"Nimepokea kwa moyo wa shukrani uteuzi huu kutoka CCM. Ni heshima kubwa na wajibu mzito ambao nipo tayari kuubeba kwa ajili ya maendeleo ya Sandali na ustawi wa wananchi wake," alisema Kamba.

‎

‎Kamba alieleza kuwa ana dhamira ya dhati ya kuhakikisha kata ya Sandali inapiga hatua kimaendeleo kupitia mipango ya kimkakati katika sekta za elimu, afya, miundombinu na uwezeshaji wa vijana na wanawake kiuchumi.

‎

‎Aidha, aliwataka wananchi wa Kata ya Sandali kujitokeza kwa wingi kesho Agosti 28, 2025 katika viwanja vya Tanganyika Packers, Kawe, kwa ajili ya uzinduzi rasmi wa kampeni za CCM. Alisisitiza umuhimu wa kuwaunga mkono viongozi wa juu wa chama hicho akiwemo Rais Samia Suluhu Hassan na mgombea mwenza wa urais Dkt. Emmanuel Nchimbi.

‎

‎"Ni wakati wa kuonesha mshikamano wetu. Tuoneshe kuwa Sandali iko pamoja na CCM, tuko pamoja na Mhe. Rais Samia na Dkt. Nchimbi kwa maendeleo endelevu ya nchi yetu," aliongeza.

‎

‎Udiwani wa Kata ya Sandali ni nafasi yenye ushindani mkubwa, lakini Kamba amesema anajivunia kuwa na uzoefu, maono na uhusiano mzuri na wananchi wa kata hiyo, hali inayompa matumaini makubwa ya ushindi.

‎

‎

Comments

Post a Comment

Popular posts from this blog

IDD AZZAN AJA KIVINGINE TENA JIMBO LA KINONDONI

Image
 Aliyekuwa Mbunge wa Jimbo la Kinondoni, Idd Azzan, akichukua fomu ya kugombea ubunge kwa mara nyingine kutoka kwa Katibu wa Umoja wa Vijana wa Chama Cha Mapinduzi (UVCCM) Wilaya ya Kinondoni, Amos Richard, katika ofisi za chama hicho zilizopo Kinondoni. Na Mwandishi Wetu JAMII HURU  MJUMBE wa Halmashauri Kuu ya Chama cha Mapinduzi (CCM) Mkoa wa Dar es Salaam Idd Azzan amechukua fomu ya kutia nia kugombea Ubunge Jimbo la Kinondoni, Dar es Salaam. Akizungumza leo Juni 29, 2025 baada ya kukabidhiwa fomu hiyo na Katibu wa Umoja wa Vijana wa Chama ch Mapinduzi (CCM) Wilaya ya Kinondoni Amos Richard katika Ofisi za CCM za Wilaya hiyo Azzan ameomba ridhaa Chama kimpitishe aweze kugombea nafasi hiyo. Azzan ambaye amewahi kuwa Mbunge wa Jimbo hilo, amesema alikuwa kimya Kwa muda Mrefu kwa sababu Jimbo lilikuwa tayari na Mbunge lakini Kwa sasa baada ya Miaka mitano sasa Jimbo liko wazi na Chama kimeweka Demokrasia ya kila mwenye nia kuchukua fomu.
Read more

WANAOSEMEKANA KUWA WAZIRI MKUU WA JAMHURI YA MUUNGANO WA TANZANIA*

Majina ya vigogo hao watatu wa Chama Cha Mapinduzi (CCM) — *Mhe. Paul Makonda*, *Mhe. Dkt. Dorothy Gwajima*, na *Mhe. Jumaa Aweso* — yameanza kutajwa kuwa miongoni mwa wanaoweza kuteuliwa kuwa *Waziri Mkuu wa Jamhuri ya Muungano wa Tanzania*, endapo mabadiliko ya uongozi yatahitajika baada ya uchaguzi mkuu. Wananchi na wachambuzi wa siasa wanasubiri kwa hamu kuona iwapo Rais Samia Suluhu Hassan atafanya mabadiliko yoyote katika safu ya juu ya uongozi wa serikali. Majina haya yameibuliwa kutokana na rekodi zao za kiuongozi, weledi na umaarufu ndani ya chama na serikali.  *Paul Makonda*  Aliwahi kuwa *Mkuu wa Mkoa wa Dar es Salaam* na baadaye Mjumbe wa Kamati Kuu ya CCM. Anajulikana kwa kauli thabiti, utendaji wa haraka, na uwezo mkubwa wa kushawishi makundi ya vijana.  *Dkt. Dorothy Gwajima*  Ni *Waziri wa Maendeleo ya Jamii, Jinsia, Wanawake na Makundi Maalum*. Amewahi pia kushika Wizara ya Afya. Ana rekodi nzuri ya utumishi wa umma, na ni mtaalamu wa utawala wa afy...
Read more

DOLA MILIONI 2 ZA KIMAREKANI Kununufaisha WAKULIMA NCHINI

Image
Wakulima wadogo zaidi ya 550,000 nchini Tanzania watanufaika na upatikanaji wa mbolea kupitia mradi mpya wa Dhamana ya Mikopo ya Biashara kwa Sehemu (Partial Trade Credit Guarantee – PCG), baada ya dola milioni 2 za Kimarekani kutengwa kwa ajili ya kuwawezesha wauzaji wa pembejeo kupata mbolea kwa mkopo. Upatikanaji wa kiasi hicho cha fedha utawawezesha wauzaji wadogo wa pembejeo za kilimo kufikisha pembejeo hizo kwa wakulima kwa wakati. Mradi huo umezinduliwa rasmi tarehe 7 Agosti, 2025 na Naibu Katibu Mkuu wa Wizara ya Kilimo anayeshughulikia Maendeleo ya Mazao, Usalama wa Chakula na Ushirika, Dkt. Stephen Nindi, katika viwanja vya Maonesho ya Nanenane Nzuguni jijini Dodoma. Akizindua mradi huo, Dkt. Nindi, amesema kuwa, serikali imejidhatiti kuhakikisha wakulima walioko pembezoni wanawezeshwa kwa kupata pembejeo bora kupitia mifumo rafiki ya kifedha inayohusisha sekta binafsi. Amesema, mradi huo utatekelezwa kwa ushirikiano baina ya Mfuko wa Ufadhili wa Mbolea Afrika (AFFM), Mamlaka...
Read more