MGOMBEA UBUNGE SIKONGE AKUMBWA NA SKENDO NZITO



Wakati vuguvugu la mchujo wa wagombea ndani ya Chama Cha Mapinduzi (CCM) likizidi kupamba moto, mgombea ubunge wa Jimbo la Sikonge, Samwel Mchele Chitalilo, amejikuta katika hali ngumu baada ya kufichuliwa kwa tuhuma nzito kuhusu mienendo yake, zilizotolewa na watu wa karibu.


Akizungumza na mwandishi wetu, mmoja wa watu wa karibu wa Chitalilo—ambaye aliomba jina lake lihifadhiwe—alisema kuwa moja ya makosa makubwa ambayo wananchi wa Sikonge wanaweza kufanya ni kumpitisha Chitalilo kuwa mbunge, kwani hana sifa wala maadili yanayostahili kiongozi wa umma.


“Huyu jamaa msimuone tu anavyotabasamu; sisi tuliomzoea tunamjua vizuri. Nimeamua kusema ukweli kwa sababu dhamira yangu hainiruhusu kunyamaza. Chitalilo ana tabia nyingi zisizofaa, ikiwemo kuchukua wake za watu bila haya, eti kwa sababu ana pesa! Amewaumiza watu wengi sana. Na suala la utapeli bado lipo—hilo halijawahi kuisha,” alieleza.


Aliongeza kuwa kipindi akiwa mbunge aliwahi kumtapeli mamilioni ya fedha mfanyabiashara mmoja aitwaye Bwana Athuman Kaponola, lakini kutokana na ushawishi wake wa kisiasa wakati huo, suala hilo lilifunikwa kimyakimya. “Sasa amerudi tena kwa gia mpya kutaka ubunge. Nawahurumia wananchi watakaomchagua. Tunaomba CCM isimpe nafasi watu wa aina hii kugombea uongozi,” alisema.


Chitalilo aliwahi kukumbwa na kashfa ya kutuhumiwa kumtapeli Kaponola zaidi ya shilingi milioni 100—sakata ambalo liliwasilishwa hadi Ofisi ya Bunge jijini Dodoma na pia kufikishwa kwa Waziri Mkuu.


Katika tuhuma hizo, Kaponola anadai kuwa mwaka 2008, Chitalilo alimshawishi kuingia ubia wa biashara ya kuagiza na kuuza pikipiki aina ya Dayun, pamoja na matairi na mipira ya ndani kutoka China, kupitia kampuni ya Oceanic Distributors Ltd, ambayo inaelezwa kumilikiwa na mbunge huyo.


Chitalilo alikiri kuwepo kwa madai hayo, lakini alisisitiza kuwa deni hilo linaihusu kampuni yake binafsi na si yeye kama mtu.

Comments

Post a Comment

Popular posts from this blog

IDD AZZAN AJA KIVINGINE TENA JIMBO LA KINONDONI

Image
 Aliyekuwa Mbunge wa Jimbo la Kinondoni, Idd Azzan, akichukua fomu ya kugombea ubunge kwa mara nyingine kutoka kwa Katibu wa Umoja wa Vijana wa Chama Cha Mapinduzi (UVCCM) Wilaya ya Kinondoni, Amos Richard, katika ofisi za chama hicho zilizopo Kinondoni. Na Mwandishi Wetu JAMII HURU  MJUMBE wa Halmashauri Kuu ya Chama cha Mapinduzi (CCM) Mkoa wa Dar es Salaam Idd Azzan amechukua fomu ya kutia nia kugombea Ubunge Jimbo la Kinondoni, Dar es Salaam. Akizungumza leo Juni 29, 2025 baada ya kukabidhiwa fomu hiyo na Katibu wa Umoja wa Vijana wa Chama ch Mapinduzi (CCM) Wilaya ya Kinondoni Amos Richard katika Ofisi za CCM za Wilaya hiyo Azzan ameomba ridhaa Chama kimpitishe aweze kugombea nafasi hiyo. Azzan ambaye amewahi kuwa Mbunge wa Jimbo hilo, amesema alikuwa kimya Kwa muda Mrefu kwa sababu Jimbo lilikuwa tayari na Mbunge lakini Kwa sasa baada ya Miaka mitano sasa Jimbo liko wazi na Chama kimeweka Demokrasia ya kila mwenye nia kuchukua fomu.
Read more

WANAOSEMEKANA KUWA WAZIRI MKUU WA JAMHURI YA MUUNGANO WA TANZANIA*

Majina ya vigogo hao watatu wa Chama Cha Mapinduzi (CCM) — *Mhe. Paul Makonda*, *Mhe. Dkt. Dorothy Gwajima*, na *Mhe. Jumaa Aweso* — yameanza kutajwa kuwa miongoni mwa wanaoweza kuteuliwa kuwa *Waziri Mkuu wa Jamhuri ya Muungano wa Tanzania*, endapo mabadiliko ya uongozi yatahitajika baada ya uchaguzi mkuu. Wananchi na wachambuzi wa siasa wanasubiri kwa hamu kuona iwapo Rais Samia Suluhu Hassan atafanya mabadiliko yoyote katika safu ya juu ya uongozi wa serikali. Majina haya yameibuliwa kutokana na rekodi zao za kiuongozi, weledi na umaarufu ndani ya chama na serikali.  *Paul Makonda*  Aliwahi kuwa *Mkuu wa Mkoa wa Dar es Salaam* na baadaye Mjumbe wa Kamati Kuu ya CCM. Anajulikana kwa kauli thabiti, utendaji wa haraka, na uwezo mkubwa wa kushawishi makundi ya vijana.  *Dkt. Dorothy Gwajima*  Ni *Waziri wa Maendeleo ya Jamii, Jinsia, Wanawake na Makundi Maalum*. Amewahi pia kushika Wizara ya Afya. Ana rekodi nzuri ya utumishi wa umma, na ni mtaalamu wa utawala wa afy...
Read more

DOLA MILIONI 2 ZA KIMAREKANI Kununufaisha WAKULIMA NCHINI

Image
Wakulima wadogo zaidi ya 550,000 nchini Tanzania watanufaika na upatikanaji wa mbolea kupitia mradi mpya wa Dhamana ya Mikopo ya Biashara kwa Sehemu (Partial Trade Credit Guarantee – PCG), baada ya dola milioni 2 za Kimarekani kutengwa kwa ajili ya kuwawezesha wauzaji wa pembejeo kupata mbolea kwa mkopo. Upatikanaji wa kiasi hicho cha fedha utawawezesha wauzaji wadogo wa pembejeo za kilimo kufikisha pembejeo hizo kwa wakulima kwa wakati. Mradi huo umezinduliwa rasmi tarehe 7 Agosti, 2025 na Naibu Katibu Mkuu wa Wizara ya Kilimo anayeshughulikia Maendeleo ya Mazao, Usalama wa Chakula na Ushirika, Dkt. Stephen Nindi, katika viwanja vya Maonesho ya Nanenane Nzuguni jijini Dodoma. Akizindua mradi huo, Dkt. Nindi, amesema kuwa, serikali imejidhatiti kuhakikisha wakulima walioko pembezoni wanawezeshwa kwa kupata pembejeo bora kupitia mifumo rafiki ya kifedha inayohusisha sekta binafsi. Amesema, mradi huo utatekelezwa kwa ushirikiano baina ya Mfuko wa Ufadhili wa Mbolea Afrika (AFFM), Mamlaka...
Read more