TFS YAWAKILISHA TANZANIA KATIKA MKUTANO WA DUNIA KUHUSU MABADILIKO YA TABIANCHI





Na Mwandishi Wetu – Bonn


Wakala wa Huduma za Misitu Tanzania (TFS) umeiwakilisha Tanzania katika Mkutano wa 62 wa utekelezaji wa Mkataba wa Umoja wa Mataifa kuhusu Mabadiliko ya Tabianchi (SBI & SBSTA 62), uliofanyika jijini Bonn, Ujerumani, kuanzia tarehe 16 hadi 26 Juni, 2025.


Mkutano huo wa kimataifa ulihusisha majadiliano ya kitaalamu kuhusu utekelezaji wa Itifaki ya Kyoto na Makubaliano ya Paris, ukilenga kuweka mikakati ya kupunguza uzalishaji wa gesi joto, kuhimili athari za mabadiliko ya tabianchi, na kuharakisha matumizi ya teknolojia rafiki kwa mazingira.


Akizungumza kwa niaba ya TFS, Kamishna Msaidizi wa Uhifadhi kutoka TFS, SACC Dkt. Zainabu Bungwa, alisisitiza kuwa shughuli za uhifadhi wa misitu zinazofanywa na TFS zina nafasi muhimu katika juhudi za kukabiliana na mabadiliko ya tabianchi duniani.


    “Mikakati ya TFS katika kuhifadhi na kuendeleza misitu ya asili na ya kupandwa ni nyenzo ya msingi katika kupunguza gesi joto, kuhifadhi vyanzo vya maji, na kuongeza ustahimilivu wa jamii zinazozunguka misitu dhidi ya athari za tabianchi,” alisema Dkt. Bungwa.


Mkutano huo ulijadili kwa kina agenda za kitaifa na kimataifa, ikiwa ni pamoja na umuhimu wa nchi wanachama kuhakikisha miradi ya biashara ya kaboni (carbon markets) inasajiliwa, kufuatia kukamilika kwa mifumo ya kitaifa na kimataifa ya usimamizi wa biashara hiyo.


Aidha, mijadala ilihusu pia uhuishaji wa mifuko ya kifedha ya mazingira kama Green Climate Fund (GCF), Global Environment Facility (GEF), Adaptation Fund (AF) na Special Climate Fund (SCF), pamoja na kuanzishwa kwa mfuko mpya wa fidia ya hasara na maafa (Loss and Damage Fund).


Vikao hivyo pia vilijadili jinsi ya kusimamia mabadiliko ya haki (Just Transition), kama vile matumizi ya nishati safi ya kupikia na miundombinu ya usafiri wa haraka, ikiwemo reli ya kisasa (SGR), sambamba na maendeleo ya teknolojia rafiki na biashara zisizo na madhara makubwa kwa mazingira.


Mambo mengine yaliyopewa kipaumbele ni pamoja na ushirikishwaji wa wanawake, vijana, sekta binafsi na mashirika yasiyo ya kiserikali katika juhudi za kimataifa za kukabili tabianchi.


Katika mkutano huo, TFS pia ilishiriki vikao mbalimbali vilivyoratibiwa na Katibu Mkuu wa Umoja wa Mataifa kupitia Ofisi ya Mabadiliko ya Tabianchi (UNFCCC), ambapo ilibainisha dhamira yake ya kuendeleza ushiriki wa kitaifa katika utekelezaji wa malengo ya tabianchi kupitia uhifadhi wa misitu.


Kwa mujibu wa Dkt. Bungwa, TFS iko tayari kushirikiana na wadau wa ndani na nje ya nchi kuhakikisha kuwa sekta ya misitu inatumika kikamilifu kama injini ya kushughulikia changamoto za tabianchi na kukuza uchumi wa kijani.


    “Misitu yetu si tu hazina ya maliasili, bali ni nguzo ya uhai wa Taifa. Tunahitaji kuiweka kwenye ramani ya kitaifa na kimataifa ya uwekezaji, biashara ya kaboni, na maendeleo endelevu,” alisisitiza.

Comments

Post a Comment

Popular posts from this blog

IDD AZZAN AJA KIVINGINE TENA JIMBO LA KINONDONI

Image
 Aliyekuwa Mbunge wa Jimbo la Kinondoni, Idd Azzan, akichukua fomu ya kugombea ubunge kwa mara nyingine kutoka kwa Katibu wa Umoja wa Vijana wa Chama Cha Mapinduzi (UVCCM) Wilaya ya Kinondoni, Amos Richard, katika ofisi za chama hicho zilizopo Kinondoni. Na Mwandishi Wetu JAMII HURU  MJUMBE wa Halmashauri Kuu ya Chama cha Mapinduzi (CCM) Mkoa wa Dar es Salaam Idd Azzan amechukua fomu ya kutia nia kugombea Ubunge Jimbo la Kinondoni, Dar es Salaam. Akizungumza leo Juni 29, 2025 baada ya kukabidhiwa fomu hiyo na Katibu wa Umoja wa Vijana wa Chama ch Mapinduzi (CCM) Wilaya ya Kinondoni Amos Richard katika Ofisi za CCM za Wilaya hiyo Azzan ameomba ridhaa Chama kimpitishe aweze kugombea nafasi hiyo. Azzan ambaye amewahi kuwa Mbunge wa Jimbo hilo, amesema alikuwa kimya Kwa muda Mrefu kwa sababu Jimbo lilikuwa tayari na Mbunge lakini Kwa sasa baada ya Miaka mitano sasa Jimbo liko wazi na Chama kimeweka Demokrasia ya kila mwenye nia kuchukua fomu.
Read more

WANAOSEMEKANA KUWA WAZIRI MKUU WA JAMHURI YA MUUNGANO WA TANZANIA*

Majina ya vigogo hao watatu wa Chama Cha Mapinduzi (CCM) — *Mhe. Paul Makonda*, *Mhe. Dkt. Dorothy Gwajima*, na *Mhe. Jumaa Aweso* — yameanza kutajwa kuwa miongoni mwa wanaoweza kuteuliwa kuwa *Waziri Mkuu wa Jamhuri ya Muungano wa Tanzania*, endapo mabadiliko ya uongozi yatahitajika baada ya uchaguzi mkuu. Wananchi na wachambuzi wa siasa wanasubiri kwa hamu kuona iwapo Rais Samia Suluhu Hassan atafanya mabadiliko yoyote katika safu ya juu ya uongozi wa serikali. Majina haya yameibuliwa kutokana na rekodi zao za kiuongozi, weledi na umaarufu ndani ya chama na serikali.  *Paul Makonda*  Aliwahi kuwa *Mkuu wa Mkoa wa Dar es Salaam* na baadaye Mjumbe wa Kamati Kuu ya CCM. Anajulikana kwa kauli thabiti, utendaji wa haraka, na uwezo mkubwa wa kushawishi makundi ya vijana.  *Dkt. Dorothy Gwajima*  Ni *Waziri wa Maendeleo ya Jamii, Jinsia, Wanawake na Makundi Maalum*. Amewahi pia kushika Wizara ya Afya. Ana rekodi nzuri ya utumishi wa umma, na ni mtaalamu wa utawala wa afy...
Read more

DOLA MILIONI 2 ZA KIMAREKANI Kununufaisha WAKULIMA NCHINI

Image
Wakulima wadogo zaidi ya 550,000 nchini Tanzania watanufaika na upatikanaji wa mbolea kupitia mradi mpya wa Dhamana ya Mikopo ya Biashara kwa Sehemu (Partial Trade Credit Guarantee – PCG), baada ya dola milioni 2 za Kimarekani kutengwa kwa ajili ya kuwawezesha wauzaji wa pembejeo kupata mbolea kwa mkopo. Upatikanaji wa kiasi hicho cha fedha utawawezesha wauzaji wadogo wa pembejeo za kilimo kufikisha pembejeo hizo kwa wakulima kwa wakati. Mradi huo umezinduliwa rasmi tarehe 7 Agosti, 2025 na Naibu Katibu Mkuu wa Wizara ya Kilimo anayeshughulikia Maendeleo ya Mazao, Usalama wa Chakula na Ushirika, Dkt. Stephen Nindi, katika viwanja vya Maonesho ya Nanenane Nzuguni jijini Dodoma. Akizindua mradi huo, Dkt. Nindi, amesema kuwa, serikali imejidhatiti kuhakikisha wakulima walioko pembezoni wanawezeshwa kwa kupata pembejeo bora kupitia mifumo rafiki ya kifedha inayohusisha sekta binafsi. Amesema, mradi huo utatekelezwa kwa ushirikiano baina ya Mfuko wa Ufadhili wa Mbolea Afrika (AFFM), Mamlaka...
Read more