TAMWA YALAANI UDHALILISHAJI WA WANAWAKE WANASIASA MITANDAONI




Na Madina Mohammed DAR ES SALAAM JAMII HURU 

Chama cha Wanahabari Wanawake Tanzania (TAMWA) kimelaani vikali mashambulizi ya kijinsia yanayowakumba wanawake wanasiasa katika mitandao ya kijamii, kikieleza kuwa ni kikwazo kikubwa kwa jitihada za kuendeleza usawa wa kijinsia katika siasa na uongozi.



Akizungumza katika Mkutano Mkuu wa mwaka (AGM) wa chama hicho, muasisi wa TAMWA, Halima Sharifu, amesema licha ya mafanikio yaliyopatikana katika nyanja mbalimbali za kijinsia, bado ushiriki mdogo wa wanawake katika siasa ni changamoto kubwa inayoathiri ustawi wa taifa.



Sharifu ameongeza kuwa mitandao ya kijamii, licha ya kufungua fursa kwa wanawake kushiriki mijadala ya kisiasa na kujitangaza, imegeuka kuwa jukwaa la mashambulizi ya kisaikolojia na lugha za matusi, dhihaka, na kejeli zenye misingi ya kijinsia.



TAMWA imeeleza kusikitishwa na ongezeko la vitendo hivyo vinavyoathiri motisha ya wanawake kushiriki siasa, huku ikisisitiza kuwa jamii inapaswa kushirikiana kuwalinda wanawake dhidi ya unyanyasaji wa aina hiyo.



Pamoja na changamoto hizi, TAMWA imesema inajivunia hatua zilizopigwa katika kipindi cha miaka minne ya uongozi wa Rais Samia Suluhu Hassan, Rais wa kwanza mwanamke wa Jamhuri ya Muungano wa Tanzania. Uteuzi wa wanawake wenye uwezo katika nafasi za juu za uongozi umetajwa kama mfano wa kuigwa.



Naye Mkurugenzi mkuu WA TAMWA DKT Rose Reuben amesema Kwa takribani miongo Minne,Tamwa imekuwa Chombo Muhimu katika kupaza Sauti dhidi ya ukatili WA kijinsia,kuhamasisha uundwaji WA sera na Sheria Zenye mlengo WA usawa WA kijinsia,na kuwajengea uwezo na kuwezesha maelfu ya wanahabari kufahamu Kwa kina masuala ya usawa WA kijinsia Pamoja na wanawake katika siasa na uongozi.
















Comments

Post a Comment

Popular posts from this blog

IDD AZZAN AJA KIVINGINE TENA JIMBO LA KINONDONI

Image
 Aliyekuwa Mbunge wa Jimbo la Kinondoni, Idd Azzan, akichukua fomu ya kugombea ubunge kwa mara nyingine kutoka kwa Katibu wa Umoja wa Vijana wa Chama Cha Mapinduzi (UVCCM) Wilaya ya Kinondoni, Amos Richard, katika ofisi za chama hicho zilizopo Kinondoni. Na Mwandishi Wetu JAMII HURU  MJUMBE wa Halmashauri Kuu ya Chama cha Mapinduzi (CCM) Mkoa wa Dar es Salaam Idd Azzan amechukua fomu ya kutia nia kugombea Ubunge Jimbo la Kinondoni, Dar es Salaam. Akizungumza leo Juni 29, 2025 baada ya kukabidhiwa fomu hiyo na Katibu wa Umoja wa Vijana wa Chama ch Mapinduzi (CCM) Wilaya ya Kinondoni Amos Richard katika Ofisi za CCM za Wilaya hiyo Azzan ameomba ridhaa Chama kimpitishe aweze kugombea nafasi hiyo. Azzan ambaye amewahi kuwa Mbunge wa Jimbo hilo, amesema alikuwa kimya Kwa muda Mrefu kwa sababu Jimbo lilikuwa tayari na Mbunge lakini Kwa sasa baada ya Miaka mitano sasa Jimbo liko wazi na Chama kimeweka Demokrasia ya kila mwenye nia kuchukua fomu.
Read more

WANAOSEMEKANA KUWA WAZIRI MKUU WA JAMHURI YA MUUNGANO WA TANZANIA*

Majina ya vigogo hao watatu wa Chama Cha Mapinduzi (CCM) — *Mhe. Paul Makonda*, *Mhe. Dkt. Dorothy Gwajima*, na *Mhe. Jumaa Aweso* — yameanza kutajwa kuwa miongoni mwa wanaoweza kuteuliwa kuwa *Waziri Mkuu wa Jamhuri ya Muungano wa Tanzania*, endapo mabadiliko ya uongozi yatahitajika baada ya uchaguzi mkuu. Wananchi na wachambuzi wa siasa wanasubiri kwa hamu kuona iwapo Rais Samia Suluhu Hassan atafanya mabadiliko yoyote katika safu ya juu ya uongozi wa serikali. Majina haya yameibuliwa kutokana na rekodi zao za kiuongozi, weledi na umaarufu ndani ya chama na serikali.  *Paul Makonda*  Aliwahi kuwa *Mkuu wa Mkoa wa Dar es Salaam* na baadaye Mjumbe wa Kamati Kuu ya CCM. Anajulikana kwa kauli thabiti, utendaji wa haraka, na uwezo mkubwa wa kushawishi makundi ya vijana.  *Dkt. Dorothy Gwajima*  Ni *Waziri wa Maendeleo ya Jamii, Jinsia, Wanawake na Makundi Maalum*. Amewahi pia kushika Wizara ya Afya. Ana rekodi nzuri ya utumishi wa umma, na ni mtaalamu wa utawala wa afy...
Read more

DOLA MILIONI 2 ZA KIMAREKANI Kununufaisha WAKULIMA NCHINI

Image
Wakulima wadogo zaidi ya 550,000 nchini Tanzania watanufaika na upatikanaji wa mbolea kupitia mradi mpya wa Dhamana ya Mikopo ya Biashara kwa Sehemu (Partial Trade Credit Guarantee – PCG), baada ya dola milioni 2 za Kimarekani kutengwa kwa ajili ya kuwawezesha wauzaji wa pembejeo kupata mbolea kwa mkopo. Upatikanaji wa kiasi hicho cha fedha utawawezesha wauzaji wadogo wa pembejeo za kilimo kufikisha pembejeo hizo kwa wakulima kwa wakati. Mradi huo umezinduliwa rasmi tarehe 7 Agosti, 2025 na Naibu Katibu Mkuu wa Wizara ya Kilimo anayeshughulikia Maendeleo ya Mazao, Usalama wa Chakula na Ushirika, Dkt. Stephen Nindi, katika viwanja vya Maonesho ya Nanenane Nzuguni jijini Dodoma. Akizindua mradi huo, Dkt. Nindi, amesema kuwa, serikali imejidhatiti kuhakikisha wakulima walioko pembezoni wanawezeshwa kwa kupata pembejeo bora kupitia mifumo rafiki ya kifedha inayohusisha sekta binafsi. Amesema, mradi huo utatekelezwa kwa ushirikiano baina ya Mfuko wa Ufadhili wa Mbolea Afrika (AFFM), Mamlaka...
Read more